ബംഗളുരു: ​​കർണാടകയിലെ അന്തിമ വോട്ടർപട്ടിക പ്രത്യേക തീവ്ര പരിഷ്കരണത്തിന്റെ (SIR) ഭാഗമായി  ഔദ്യോഗികമായി പ്രസിദ്ധീകരിച്ചു.
​മുഖ്യ തെരഞ്ഞെടുപ്പ് ഓഫീസറുടെ (CEO) ഓഫീസിലെ കണക്കുകൾ പ്രകാരം, 2026 ഒക്ടോബർ 27 വരെയുള്ള കണക്കനുസരിച്ച് കർണാടകയിലെ ആകെ വോട്ടർമാരുടെ എണ്ണം 4,54,55,689 ആണ്. എസ്‌ഐആർ പ്രക്രിയ ആരംഭിക്കുന്നതിന് മുൻപ് 5,54,32,814 ആയിരുന്ന ആകെ വോട്ടർമാരുടെ പട്ടികയിൽ നിന്ന്, അന്തിമ പട്ടിക പുറത്തിറങ്ങിയപ്പോൾ 99.7 ലക്ഷത്തിലധികം (ഏകദേശം 1 കോടി) പേരുകളാണ് ഒഴിവാക്കിയത്. 2026 ഓഗസ്റ്റിൽ പ്രസിദ്ധീകരിച്ച കരട് വോട്ടർ പട്ടികയിൽ 4,46,35,975 വോട്ടർമാരാണ് ഉണ്ടായിരുന്നത്.
​വോട്ടർമാരുടെ കണക്കുകൾ ഒറ്റനോട്ടത്തിൽ:
​ആകെ വോട്ടർമാർ: 4,54,55,689 (ഏകദേശം 4.54 കോടി)
​പുരുഷ വോട്ടർമാർ: 2,25,40,493 (ഏകദേശം 2.25 കോടി)
​സ്ത്രീ വോട്ടർമാർ: 2,29,12,355 (ഏകദേശം 2.29 കോടി)
​മൂന്നാം ലിംഗ വോട്ടർമാർ: 2,841
​കൂടാതെ, സംസ്ഥാനത്ത് ആകെ പോളിംഗ് സ്റ്റേഷനുകളുടെ എണ്ണത്തിൽ 390 എണ്ണത്തിന്റെ വർദ്ധനവുണ്ടായിട്ടുണ്ട്. ഇതോടെ കർണാടകയിലെ ആകെ പോളിംഗ് സ്റ്റേഷനുകളുടെ എണ്ണം 41,888 ആയി ഉയർന്നു.ബംഗളുരുവിൽ മാറിപ്പോയവർ, മരണപ്പെട്ടവർ, രേഖകൾ ഹാജരാക്കാത്തവർ, ഇരട്ട വോട്ടുള്ളവർ എന്നീ വിഭാഗങ്ങളിലായി 46.88 ലക്ഷം വോട്ടർമാരാണ് ഒഴിവാക്കപ്പെട്ടത്. 1.03 കോടി വോട്ടർമാരുണ്ടായിരുന്നിടത്ത് അന്തിമ പട്ടികയിൽ ഇടം പിടിച്ചത് 59.08 പേർ മാത്രമാണ്. അടിയ്ക്കടി വിട്ടുപോകുന്ന കുടിയേറ്റ വോട്ടർമാർ ധാരാളമുള്ള നഗരമാണ് ബംഗളുരു. ഒഴിവാക്കപ്പെട്ടവരിൽ 32.7 ലക്ഷം പേർ താമസം മാറിയവരാണ്. കൃത്യമായ രേഖകൾ ഹാജരാക്കിയാൽ ഏതാനും പേർക്കുകൂടി അന്തിമ വോട്ടർ
പട്ടികയിൽ ഇടം കണ്ടെത്താൻ കഴിഞ്ഞേക്കും.
​

Photo Courtesy - Google